Jæja, komið þið blessuð og sæl

Úff hvað það er langt síðan ég hef skrifað eitthvað...... en nú bæti ég úr því.

Það hefur verið svo brjálað að gera hérna í Laufási, svo ég hef ekki verið dugleg að kíkja út og hitta vinina. En það lagast þegar maður byrjar í háskóla og svona. Þá verður náttúrulega EKKERT að gera hjá manni...... eða þannig.

Það er bara farið að styttast í það að ég byrji í HA...... ég er bara komin með hnút í magann og tilheyrandi. Ég er meira að segja búin að kaupa skólatösku og alles........ greinilega tilbúin að setjast á skólabekk aftur

En nú er versló að nálgast...... ég verð nú að vinna alla helgina, en ég hef nú ekki látið það stoppa mig áður og geri það ekki heldur núna  En hvernig er það, verða ekki einhverjir á Ak. um helgina??????????????????? Það er ekkert merkilegt við þessa eyja-peyja, svo ég mæli eindregið með gömlu góðu Akureyri

Vonandi sé ég ykkur sem flest og kveð að sinni......

Heiða

Jæja... komið þið sæl

Ætli ég verði ekki að fara að skrifa eitthvað á þessa blessaða síðu um það sem ég hef verið að sýsla eftir að ég kom heim 

Þar sem ég hafði ekkert að gera þegar ég kom heim í mars, þá fékk ég vinnu á snyrtistofunni Abaco í afgreiðslunni. Það var mjög fínt og eru þetta alveg magnaðar stelpur upp til hópa sem vinna þar. Ég vann þar til fyrsta maí, þá byrjaði ég í Gamla bænum heima í Laufási Ég get nú ekki farið að breyta til....... en þar höfum við mamma verið tvær að vinna þar til nú í júní.... þá LOKSINS komu fleiri, svo að við mamma gætum átt frí. 

En það er nú ekki allt, við vorum einnig á fullu í sauðburði í maímánuði sem var líka svona skemmtilegt. Við skiptum með okkur næturvöktunum.... sem er nú ekkert slor þarna úti, þar sem að við erum með Lazy-boy stól, rúm og ísskáp fullan af bjór

Annars er það nú ekki margt annað sem ég hef verið að gera.... en ég er farin að hlakka afskaplega mikið til bekkjarpartýisins sem verður 16. júní...... það bara getur ekki klikkað þegar þetta frábæra fólk hittist úr 4.G

 Ég kveð að sinni,

Heiða 

Ég vil bara þakka öllum sem hafa sent hlýjar kveðjur til okkar hérna í Laufási.

Ég skrifa svo meira þegar frá líður.

Kveðja Heiða

Jæja, nú er afmælistörnin að verða búin og þorrablótið gengið í garð. Það var mjög gaman á þorrablótinu, mikið sungið, mikið dansað og auðvitað mikið drukkið Maturinn var alveg ágætur og Helga Braga fór á kostum. Allt gekk áfallalaust fyrir sig..... en ég mæli ekki með að fara á nýjum skóm á slíka samkomu. Ég er enn að jafna mig í löppunum

Annars er partýstandinu ekki lokið í bili þar sem að ég er að fara að skella mér til Skövde í Svíðþjóð til að hitta Lindu og Guðnýju. Ég fer til Köben á fimmtudaginn og gisti hjá Guðnúju, svo tökum við lest saman til hennar Lindu okkar á föstudaginn. Þetta verður frekar langt ferðalag..... þrír og hálfaur tími til Köben og rúmlega fimm tímar til Skövde En það verður sko þess virði

Hér hafa verið hálfgerðar hamfarir... allavega í augum Dana. Það kom alveg hellingssnjór og flestar samgöngur lágu hér niðri vegna ófærðar Fyrir okkur Íslengingana var þetta nú ekkert mál.... en fyrir Danina sem eru allir á sumardekkjum, var þetta alveg ægilegt Við Björn komust ekki í vinnu eða skóla á fimmtudag né föstudag, svo þetta hefur verið löng helgi hjá okkur...... bara frekar notalegt

Ég læt þetta gott heita í bili,

kv. Heiða

Góðan og blessaðan daginn

Ég er alveg í skýunum eins og er þar sem að ég er búin að flytja fyrirlesturinn um Velfærdsstaten og tiden efter 1945 Það gekk líka svona vel, ég fékk bara góða gagnrýni þrátt fyrir að ég skildi varla það sem ég sagði. En það getur ekki verið svo slæmt þar sem að öllum fannst þetta alveg ágætt.

En annars bauð Björn mér út að borða í kvöld, á grískan veitingastað sem allir mæla með Við erum ákaflega spennt að prófa eitthvað nýtt Annars verður bara rólegt á morgun hjá okkur. Ætli við skellum okkur ekki í bæinn og kaupum inn fyrir afmæliskaffið, þar sem að systkini Björns koma í kaffi á morgun.

Annars er ekki mikið að frétta....... við erum bara orðin mjög spennt fyrir þorrablótinu sem verður þann 17. Ég held bara að það verði svaka stuð...... Helga Braga verður veislustjóri og alles.

En ég læt þetta gott heita í bili.... ætla ég verði ekki að reyna að klína smá andliti á mig fyrir kvöldið (ekki veitir af)

Kv. Heiða

Það er greinilegt að yfirvaldið hafi hlustað á mig þar sem að það hefur verið frábært vetrarveður alla síðustu viku Pínu snjór yfir öllu, logn og sól..... bara gæti ekki verið betra........ en svo ringdi í gær og allur snjórinn fór En það var gott meðan á því stóð.

En nú er hið fræga þorrablót Höfðhverfinga afstaðið og ég bíð spennt eftir smá slúðri af því......hummmm allir sem hafa eitthvað slúður eru skyldugir til þess að segja frá

En annars er ekki mikið að frétta.... ég á að vera gera fyrirlestur í skólanum um tíðina eftir stríðsárin í Danmörku.... hljómar mjög spennandi, ég veit En það góða við hann er að hann má vera 90 M'ÍNÚTUR.... og þar að auki á dönsku. En ég ætla nú ekki að hafa hann svona langan.

En nú er mikil afmælisvertíð að byrja.... litli frændi hans Björns 1. feb., Arnlaug 4., ég 7., litla frænka hann Björns 15. og Jónki bróðir 27. Það er ótrúlegt hvað það eru margir sem eiga afmæli í þessum annars stutta mánuði. Ég er annars búin að fá fyrirfram afmælisgjöf frá honum Birni mínum....... hann gaf mér alveg ÆÐISLEGAN ´síma, nokia 6131 geggjað flottur

En ég bið að heilsa í bili.... ætli ég verði ekki að reyna að skrifa eitthvað í þessum fyrirlestri.

Kveðja Heiða

Halló halló

Allt ágætt að frétta héðan úr Danmörku..... fyrir utan að það hefur verið rok og rigning frá því að ég kom út.... frekar niðurdrepandi Ég væri alveg til í smá snjó til þess að lýsa aðeins upp þetta eilífa myrkur hér Við skulum bara að vona að yfirvaldið sé að hlusta

En annars er ekki mikið að frétta frá því seinast. Ég er bara byrjuð á fullu í skólanum og svo erum við Björn búin að panta okkur miða á þorrablót Íslendingafélagsins sem er hér í Árósum. Það verður eflaust mjög gaman.... íslenskur þorramatur og íslenskt lambalæri... namm namm Það verður eflaust hin fínasta sárabót fyrir það að missa af þorrablóti Höfðhverfinga... sem eru  að ég tel, þau allra allra BESTU Ég er sko búin að ákveða að missa ekki af því á næsta ári

Ég hef ekki meira að segja í bili...... endilega kommentið þið....alltaf gaman að heyra smá frá ykkur

Kærlig hilsen

Heiða

Gleðilegt nýtt ár og takk fyrir öll þau gömlu og góðu

Jæja, nú eru jólin búin og ég er komin aftur til Árósa. Það var alveg meiriháttar að vera heima um jólin og hitta alla aftur, mömmu og pabba, Jónka og Þórarinn og þeirra fylgifiska og auðvitað mínar yndislegu vinkonur Ég naut jólanna út í ystu æsar, slappaði af, borðaði ljúffengan mat og eyddi tíma með fjölskyldunni...... það bara gæti ekki orðið betra. Þrátt fyrir að það hefði nú verið gaman að hafa Björn hjá sér líka

En núna er ég komin aftur til Árósa og byrja í skólanum á morgun.... ef þeir hleypa mér að aftur. Ég fékk eitthvað sent í pósti um að ég þyrfti að borga skólagjaldið 3. jan ef ekki þá yrði ég sjáfkrafa skráð úr skólanum. Þar sem að ég kom bara í gær þá hef ég að sjálfsögðu ekki borgað gjaldið, en ég vona að það reddist á morgun þegar ég tala við fólkið þarna.

Mér fannst ekkert rosalega gaman að þurfa að yfirgefa hið kalda Ísland aftur þrátt fyrir að það var mjög gott og gaman að hitta hann Björn minn aftur. En ég kem heim í vor og fer ekki aftur út Það verður gaman að hlakka til þess..... næstu FJÓRA mánuði

Þetta er gott í bili.... læt heyra í mér seinna.

Kveðja Heiða

Komið þið blessuð og sæl

Annar sunnudagur í aðventu í gær...... ég er bara alveg að fara heim Ég get ekki beðið. Ég kem heim að kvöldi 19. des og hlakka mikið til.

Núna er ég að læra undir munnlegt próf í dönsku...... sem er ef ég man rétt, uppáhald allra Ég skil samt ekki alveg í því hvað þeir hafa þetta seint..... maður er kominn í svo mikið jólaskap að allur metnaður er horfinn. Samt sem áður er ég búin að sitja hérna frá því snemma í morgun og tala við sjálfa mig eins og asni..... og reyni að nota þetta fína ráð frá honum pabba mínum að ímynda mér að ég sé með heita kartöflu í hálsinum þegar ég segi dansk R Ég held í þá von að það eigi eftir að fleyta mér í gegnum þetta próf. Ég fer í prófið á morgun..... og þá á ég bara tvo daga eftir í skólanum fram að jólafríi Þá get ég farið að einbeita mér að því mikilvæga, pakka inn gjöfum og skrifa jólakort

Jæja best að halda áfram.

Bið að heilsa í bili

Heiða

Jæja.... nú læðist smá prófkvíði að mér þar sem ég er að fara í próf á morgun. Það er nú samt frekar fyndið að kalla þetta próf í samanburði við próf alls háskóla fólksins í kring um mig En þetta er samt próf og ég er með hnút í maganum við hæfi

Það er nú allt að verða svolítið jólalegt hérna í Árósum...... búið að kveikja á ljósunum í miðbænum og innkaupaæði hefur gripið ólíklegasta fólk. Þótt ótrúlegt megi virðast þá er ég ekki í þeim hópi..... ENN. Bara búin að kaupa sex jólagjafir.

Annað kvöld ætlum við Björn að gerast svolítið menningarleg og skella okkur á leikrit. Vinur Björns sem er hér í íþróttalýðháskóla fer með aðalhlutverk í leikriti sem skólinn setur upp. Ég er alveg ægilega spennt ........sem kannski gefur örlitla mynd af skemmtanalífi okkar hér  Neinei ég segji bara svona...

Ég er aðeins byrjuð á jólaundirbúningnum. Ég steikti kleinur um síðustu helgi ásamt Áslaugu og Arnlaugu. Bjó til aðventukrans í gær.... svaka flottur og svo er ég búin að setja seríu á grenigrein inn í eldhúsi Ég held bara að ég hafi aldrei verið svona snemma í þessu gaman gaman....

Ég held að ég verði að fara að hætta þessu bulli..... ég hef greinilega ekki um neitt að skrifa en samt gæti ég haldið áfram endalaust. Ég verð að fara gera einhverja skandala svo að ég geti haldið þessu frábæra fólki sem les bloggið mitt spenntu.

Ég kveð í bili

Heiða

ps. muna svo að kommenta

Jæja... loksins erum við komin með nettengingu..... júhúúú....
 
Það sem er í fréttum er að mamma og pabbi voru í heimsókin hjá okkur Birni í síðustu viku. Það var alveg meiriháttar gaman, þrátt fyrir að þau hafi bara verið í þrjá heila daga. Við reyndum þó að nýta tímann og fórum í bæinn og skoða í búðir. Fórum út að borða og svo fórum við líka í "Den gamle by" sem var mjög gaman. Þar var jólaundirbúningurinn byrjaður svo að ég held að við öll höfum komist í smá jólaskap við það.

En annars er lítið að frétta..... ég er að fara út að borða í kvöld með systur hans Björns og mákonu...... svona pínu girls night out. En á morgun verður svaka stuð í bænum. Þá má segja að byrji formalega allur jólaundibúningur í bænum. Kveikt verður á öllum jólaljósum.... sem eru þónokkur. Og svo kemur jólasveinninn í bæinn og svoleiðis. En svo eru líka búðirnar opnar til miðnættis svo að þá verða eflaust verslaðar nokkrar jólagjafir.

En ég læt þetta gott heita í bili.... ég skrifa aftur fljótlega

Muna að kvitta

Kveðja Heiða

Hæ hæ.... bara láta vita að ég er enn á lífi

Við fluttum í íbúðina fyrir rúmum mánuði og hún er bara mjög fín þó að hún sé lítil

Við erum ekki komin með nettengingu sem skýrir afhverju ég hef ekki bloggað... en brátt mun það lagast. Við fáum tengingu í lok mánaðarins.... júhú

Mamma og pabbi eru að koma í heimsókn á morgun.....  ég er rosalega spennt. Þau verða bara í þrjá-fjóra daga, en það verður samt mjög notalegt að fá þau

Ég ætla bara að hafa þetta stutt núna... svo fáið þið ýtarlegri skýrslu þegar ég fæ nettengingu

Bless bless Heiða

Jæja ég get ekki beðið efti helginni.......... það er bara nargt að fara að gerast

Það er nú þannig að ég er að fara að skella mér til Köben til að hitta Guðnýju og Lindu vinkonur mínar Það á að vera geggjað partý á kollegíinu hennar Guðnýjar svo að þetta verður án vafa frábær helgi En svo er það líka í fréttum að við Björn fáum íbúðina um helgin...... og ég sting bara af og læt Björn um þetta Frábær kærasta.. en við ætlum samt bara að reyna að fá dótið úr IKEA sent á mánudaginn svo að ég geri nú eitthvað Allt voðalega spennandi.

Ég er svo loksins að fara í byrja í þssum blessaða skóla. Ég fór í allskyns próf í gær til þess að meta það hvar ég væri stödd. Það gekk svona líka vel og ég byrja í skólanum vonandi á þriðjudaginn

Nú ætla ég að fara að hvíla mig. Allir á heimilinu eru búinir að vera eitthvað slappir og síðustu daga hef ég verið hálf léleg.... en ég verð nú að ná því úr mér fyrir helgina

Farvel, Heiða

Góðan og blessaðan daginn.

Ég ætla bara að hafa þetta stutt í dag. En það helsta í fréttum er að Björn var ekki fyrr byrjaður að vinna fyrr en hann fór í verkfall Jáhá.... það er ekkert annað. Hann var náttúrulega svo rétt byrjaður að hann var ekki komin í neitt stéttarfélag svo að ég held að hann fái engin laun. Þetta er náttúrulega alveg ótrúlega fyndið miðað við allt sem á undan er gengið Þannig að nú tekur hann þátt í mótmælum fyrir framan ráðhúsið..... frekar hlálegt þar sem að við vitum ekki alveg um hvað þetta snýst

Síðustu daga hef ég verið að aðstoða við að passa litlu strákana þeirra Arnlaugar og Ragnars Páls, þar sem að vöggustofurnar eru lokaðar, og í dag var ég alveg með þá. Það er bara fínt þar sem ég hef ekkert annað að gera

En ég ætlaði bara að hafa þetta stutt

Kv. Heiða

Hæ hæ

Ekki er margt búið að gerast hér hjá okkur Birni fyrir utan það að hann er kominn með vinnu á vöggustofu fyrir börn á aldrinum 0-3 ára. Honum líst bara nokkuð vel á þetta allt saman. En ég er hins vegar enn að bíða eftir pappírum og virðast þeir ekkert vera á leiðinni. En ekki þýðir að sýta það

Ég er orðin mjög spennt að fara að kaupi inn í íbúðina okkar. Ég er búin að grandskoða alla lista sem koma inn um bréfalúguna og hringa utan um það sem mér líst vel á. Ég er einnig búin að taka það allt saman og reikna út hvað það á eftir að kosta okkur..... og það er hreint ótrúlegt hvað allt kostar lítið ef maður leitar vel... kaupa ... kaupa....

Annað sem ég hef verið að dunda mér við í þessum mikla frítíma sem ég hef yfir að ráða, er m.a. að lesa danska spennusögu.... jejj, fara út að hlaupa svona þrisvar til fjórum sinnum í viku (þrátt fyrir það hvað mér finnst erfitt að hlaupa í þessum mikla hita) og já... svo hef ég bara verið að vaska upp og þvíumlíkt Svo má náttúrulega ekki gleyma öllum bæjarferðunum þar sem fjölbreytt fataval ver tekið út

Ég var einmitt úti að hlaupa rétt í þessu og er svo að fara að kaupa inn fyrir klúbb annað kvöld. Þar verður eflaust margt góðgætið á boðstólnum... namm... namm

Ég læt þetta gott heita í bili þar sem ég hef í raun ekkert að segja.

Kveðja Heiða Björk